Realiteit

Quote

ONTHOU OM NIE TE VERGEET NIE

Voorspoedige nuwe jaar almal!! Ons is 8 dae in en die realiteit dat die week wat kom definitief ‘n besiger een in die kantoor gaan wees is besig om in te skop.  Ek love dit, ek love dit wanneer mens ‘n skoon blaadjie kan begin, jy kan vergeet van meeste van die vorige jaar se nonsens en nuut begin.

Ek en my familie het hierdie vakansie by my ander familie (pa, stiefma, broer en suster) in Langebaan gaan kuier en dit was so lekker om almal weer bymekaar te hê. Ek het weer so baie van hulle geleer dinge  wat ek of al vergeet het of nooit geweet het nie. Weer besef dat dit belangrik is om familie bande te behou en ook hoe min dinge soms ook verander, maar ook hoe vinnig dinge kan verander. Soos ons ouer raak besef ons nie altyd ons ouers raak ook ouer nie en dit is eers wanneer jy hulle vir ‘n tyd nie gesien het nie en dan baie ure in hul teenwoordigheid spandeer dat jy besef, hulle is nie meer jonk nie.

My pa is nog nie oud nie hy is nog nie eers 60 nie, maar hy het wel ‘n paar hart omlynings agter die rug (of sal ek sê rib) en die REALITEIT is, hy raak ouer. Hy vergeet baie gou en die familie het ‘n geneigdheid om dan te sê hy gaan seker Alzheimers kry soos sy ma, my ouma.

Sy was ‘n formidibale vrou, pragtig en so presies. Sy was ‘n wonderlike ouma en my herrinderinge aan haar is net goed, soos dit hoort vir ‘n kleinkind om van hul ouma te dink, maar soos ek ouer word en leer en besef dat die REALITEIT is dat Alzheimers oorerflik is het ek al ook voor die donker deur gestaan en wonder, wat as dit ek is eendag. Misplaas ‘n sleutel, vergeet ‘n afspraak, vergeet jou kind se skool boeke, gooi koeldrank vir ‘n geliefde, maar vergeet dit op die toonbank en neem dit nooit vir hulle nie, want jy dink jy het dit klaar gedoen. Staan in die winkel en kan glad nie onthou wat jy moes kom koop nie ens ens ens. Die lys is eindeloos.

Ek weet dat die eise van ouerskap op hierdie stadium in my lewe it net ‘n tyd in my lewe ‘n werklikheid is en dat dit normaal is om te compartmentalize volgens prioriteit en belangrikheid.

Ek was nie voorbereid op die uitbarsting wat gevolg het na ‘n “vergeet oomblik’ die naweek nie. Iemand vir wie ek baie lief is voel dat hulle nie vir my belangrik is nie, dat wat hulle my vra nie prioriteit is nie en ek nie omgee daarvoor nie, dit was vir my hart verskeurend dat hulle so gevoel het wanneer ek voor my siel weet dit is nie waar nie en dat ek nie kan help dat sekere dinge net verby my gaan nie. Ek weet nie hoekom dit gebeur nie, hoekom ek vergeet of net nie dink daaraan nie. Al wat ek verseker weet is dat dit GLAD nie is, omdat ek nie omgee nie.

Ek was diep hartseer en die trane wat gevolg het was trane vir my ontslape ouma Roeline, trane van wonder hoe het sy dit ervaar, Alzheimer, hoe was dit vir haar aan die begin, het sy ook so gevoel, het geliefdes ook vir haar woorde geslinger van “jy gee nie om wat ek vir jou vra nie” of “ek is nie vir jou belangrik nie, want jy worry nie oor dit wat ek jou vra nie, JY BLY DAN VERGEET”. Ek dink aan haar en wonder of sy ook hulpeloos gevoel het oor hoe om te onthou om nie te vergeet nie, maar die REALITEIT is dat sy Alzheimer’s ontwikkel het, later dementia en toe het sy gesterf en ek kon nooit vir haar sê dis OK nie.

My REALITEIT is dat ek my nou effens kan indink hoe sy moes voel, ek dink aan haar waar oupa Phillip dalk vir haar vra hoekom sy nie haar pille gedrink het nie en sy met hom baklei dat sy het of andersom. Kinders wat vra hoekom bel sy nie vir ‘n verjaarsdag nie, “het sy van hulle vergeet” ek dink aan ‘n hartseer ouma wat weet sy is besig om haar houvas op realiteit te verloor. Hoe oorleef mens dit wanneer jy na iemand kyk wat jy gister geken het, maar vandag het jy nie ‘n idee wie dit is nie? Hoe oorleef ‘n ma dit wanneer sy nie meer haar kinders herken nie??

Ek skryf nie hierdie omdat ek dink ek gaan Alzheimers kry, want ek kan nou al sien hoe kry mense die horries en ek moenie dit oor my uitspreek nie ens ens, maar dit is REALITEIT en dinge waaroor ek dink. Ek glo en vetrou op Abba Vader dat ek dit nooit hoef deur te maak nie, maar my scatter brain en my huidige omstandighede van vergeetagtigheid en hoe dit vir my voel as geliefdes vir my sê dat hulle voel ek ag hulle nie belangrik nie gee my insig oor hoe sy moes voel.

Ek dink nou aan my pa, voel hy ook so, wanneer ons hom spot oor hy bly vergeet. Raak sy hart seer raak hy gefrustreerd. ‘n Pa wat nie kan onthou wat sy dogters vir hom vertel nie of nie seker is wat hy met sekere goed gedoen het of waar hy dinge in die huis moet bêre nie. Wat nie kan onthou dat hy reeds daardie storie al 4 keer vir ons vertel het nie.  Hoe voel sy hart wanneer ons vir hom sê hy dink nie ons is belangrik nie.

Ek weet hoe ek die naweek gevoel het, gebreek!

Maar dit is REALITEIT.

Opegdra aan ons pragitge ouma Roeline

Advertisements

Jesus kom terwyl ek my horder corner uitsorteer.

Quote

OK so dis nou amper ‘n week en vir amper ‘n week lank wonder ek of ek hieroor moet skryf en nou gaan ek.

So sit ek verlede week en sorteer my “horder corner” uit. Ja jy weet waarvan ek praat, daai hoekie in die kamer wat jy net goed neergooi en nie eintlik meer heeltemal seker is wat daar opgegaar is nie. Ek meen dit kan van briewe, pos, breinaalde, scrap papier, tissues en dies meer wees en dan weet ek ook nie of daar dalk ‘n kakkerlak of lewensgevaarlike spinnekop kan kop uitsteek nie.

Ek sit in my pajamas, op die vloer en vind ‘n boks met ou skoolbriewe van vriende en huidige briewe van my werkgewer en net daar êrens tussen 18:00 en 19:00 in die aand uit nowhere uit blaas die Shofar…

Het ek reg gehoor…? Dalk is dit net die TV? Ek sorteer verder.

Daar blaas die Shofar weer, ‘n lang indringende klank wat onmiskenbaar is vir die siel.

EK SPRING OP. Wat as, kan dit wees, maar ek voel niks, sal mens nie Anders voel nie, sê nou net? Ek hardloop sitkamer toe en kyk vir Kegan, oë groot.

HOOR JY DIT??

Wat, vra hy. Die Ramshoring, dit blaas!!!! Maak oop die deur sê ek, met ‘n haastigheid. In my kop onthou ek die lering, net 3 keer gaan die shofar blaas.

DAAR BLAAS DIT WEER!!

Ek sukkel om die hek oop te kry en my kop dink aan duisende lerings en dinge op een slag, na die einde van die blasende noot gaan die blaser van die noot af.

Dis nie die Here nie, sy engele sal nie vals note blaas nie.

Ek is verlig en ook nie, maar ek is. Dan hoor ek dit, die gebede wat net ‘n ou AGS, Apastolie, pinkster kind sal onthou.

Intersessie en spiritual warfare. Daardie tipe gebede wat mense ongemaklik maak. Daardie gebede wat ‘n mens bid wanneer mense se lewens daarvan afhang en omdat Satan ‘n weg in gebaan het en nou moet hy uit!!

Bid ‘n mens net sulke gebede in ‘n kerk? Of kan mens dit by jou huis doen, by die werk doen, in die kompleks waar jy woon?

Ek het daar gestaan en lus geraak om saam te bid, saam daai duiwels te laat wyk want my siel het dadelik daarby aanklank gevind. Ek wou soos in die ou dae saam my voet stamp en se AMEN!!

Maar ek staan toe buite in my pajamas met my vroulikheid wat punt in die wind is, maar ek kan nie ophou luister nie.

So wat dink julle? Waar sou jy Dinsdagaand gewees het as die Sjofar regtig geblaas het en sou jy omgee wie wat sê as jou lewe daarvan afhang en al wat kan help is gebed?

Paddle like your sending ET home

Image

Last night my family watched this epic movie (of its time), well I came in third of the way through from a shopping expedition. I can not believe how intrigued my children were. Anyhow, I watched the scene where the boys are all riding their bikes and suddenly ET helps them all lift from the ground just as they were about to be cought and they lift up, up in the air.

Maar kykhie, daai outjies trap hoor. Geen grond of pad nie maar hulle trap daai beentjies af.

Tipical male, my husband says,”Surely they can stop paddling, there is no traction in the air!?”

So true.

How many times are we not paddling through life, doing our wheelees, jumping over bumps and showing off our tricks. Then suddenly, the road caves in under us. There seems to be no traction and we are in free fall.

The thing is it is then that you need to start paddling like never before. Don’t worry if people laugh or say you can’t do it or ask you what’s the point.

It will happen, you will find the road again and your legs will be stronger than ever.

ONS ALMAL DRA ‘N MASKER, hoe lyk joune?

Link

Stained Glass Masquerade

Ons is genooi na ‘n gemaskerde bal! Dit is super exciting, het ek gedink, nou sukkel ek my vrek vir die regte masker. Ons almal wil natuurlik ‘n masker hê soos Mrs Grey, maar nou ja alles in die winkels is plastic en die res is op die internet en arriveer eers oor 2 weke, nee wat, ek kan altyd een maak, ek het mos nog ‘n stuk kant êrens in die huis. Netnou lyk dit kitch. Crazy store het dalk, maar ook weer plastic. Hoe gemaak?

Side note: Google het alles, behalwe die betekenis van afrikaanse woorde, so nou lees ek maar Nederlands. Betekenis van die woord MASKER:

zelfst.naamw.

Uitspraak: [‘mɑskər]
Verbuigingen: masker|s (meerv.)

iets dat je als bescherming voor je gezicht draagt, of om niet herkend te worden

Fasinerend, ek moet erken ek hou van die Nederlands en ek vind myself praat in ‘n Casper de Vries stemmetjie as ek Nederlands begin lees. (Wierd)

Ons het almal ‘n masker, face it.

Werk masker, ma masker, huis masker, vriendin masker, vrou masker somtyds kombineer ons hulle en sit sommer altwee of 3 op, geen wonder ek kry kopseer. Maskers is nie die gemaklikste ding om te dra nie, maar wie is jy nou eintlik as jy jou masker/s afhaal? Ek kan nie altyd so lekker onthou nie? Kan jy?

As ek terugdink na die laaste keer wat ek dink ek nie ‘n masker gehad nie, shoe, ek kan glad nie onthou nie. Ek moes vinnig groot word, want ma en pa het geskei so daar is daai masker, die “ALS IS OK” masker. Ons ken hom almal. Wanneer jy “gebruik” word op 6 jaar oud deur ‘n ou omie wat vir jou sê jy mag nie vir jou ma vertel nie kry jy ook ‘n masker, dit noem mens die “GEHEIM” masker. Jy word ouer, besef jy word ‘n groot meisie en onthou jou GEHEIM masker en besef jy moes nooit daai masker gedra het nie, maar dis nou te laat, hy sit daar op die kas. Nou dra jy maar die “NIEMAND GAAN MY OOIT WEER SEERMAAK” masker en die “EK SAL HULLE EERSTE SEERMAAK” masker.

Jy raak vir ‘n rukkie sag, maar dan is jy klaar met skool en moet nou begin grootmens word, hoe doen mens dit? Ok, een bestelling vir ‘n “GROOTMENS”masker asb. So gaan jy deur jou hele lewe en jou versameling groei, van kerk meisie masker, tot verloofde, tot vrou, tot ma, tot jy besef jy kan nie meer onthou wie jy is sonder jou masker nie.

Wat ek wel weet is dat ons almal alreeds gebore is met ‘n masker, die masker van menswees, die realiteit dat ons stamvader Adam ons gedoem het tot geboorte in sonde, MAAR daar is Jesus en Hy het gekom om ons vry te maak. Ek gaan nie jok nie, op hierdie aarde gaan ons nooit ontslae raak van ons maskers nie, MAAR as ons oorgee aan Hom sal ons eendag ons verheerlikte liggame kry waarvoor maskers nie nodig is nie.

Nou toe, dink aan die masker wat jy nou aanhet en as dit ‘n ou afgeleefde een is, dink of jy hom nog regtig nodig het. Baie van my maskers het Hy lankal vir my weg geneem en daar is nie meer ‘n skadu van dit eers op die rak nie.

Ek gaan nou huistoe en gaan probeer om my sagte mamma en vrou masker aan te sit instede van die kwaai een wat ek die afgelope tyd so gereeld dra.

Liefde

C

SWART VRYDAG – BEHOU JOU VREDE

Quote

Black Friday is an informal name for the day following Thanksgiving Day in the United States of America, the fourth Thursday of November, which has been regarded as the beginning of the country’s Christmas shopping season since 1952 and the day shopkeepers balance sheets turned black (positive) from red (loss).

Dankie Wikipedia, so met ander woorde meeste van die jaar is die winkel in die rooi en dan hier teen amper kersfeestyd raak dit swart, wat blykbaar beteken dat hulle nie meer in die rooi is nie. Rooi en swart en swart en rooi, ja.

Voel vir my ook soms of ons as mens heel jaar in die rooi is en dan teen Kersfees onthou ons oja, ons is Christene kom ons vier Kersfees, maar die grap vir my is dat ons harte dan swart trek, want in plaas van samekoms, familie en dink aan die goedheid en die wonder van Kersfees raak ons einllik swartgallig, want “Hoekom moet ons al die vleise bring ons het laasjaar gammon gemaak en roast, ek gaan nie weer heel dag voor die stoof staan nie” “Ek hoop nou net nie hulle verwag ek moet nou vir daai een ‘n geskenk koop nie, ek het nie geld om uit te gee op die een en daai een nie” “Ag tog gaan jou suster en haar kinders ook daar wees, nou moet ek weer vir hulle ook koop”.  “Oom So-en-so moet homself tog net nie daar kom neerplak soos laasjaar nie, want hulle kry nie hulle ry nie”(net sodat jy weet, oom So-en-so is oorlede die jaar, selfmoord…so moenie bekommer nie hy sal jou nie kom PLA nie)!

Glo my, ek preek vir myself hier ook, want geld is min, tyd is kosbaar…ja tyd is kosbaar. Die tyd toe ons Here gebore is, was kosbaar, die tyd toe Hy gesterf het aan die kruis en Sy bloed die aarde rooi gevlek het, was kosbaar, die tyd totdat Hy weer kom is kosbaar, want dit is die tyd wat jy gegun is, die tyd om JY te wees en jou lewe op aarde te geniet saam die mense wat Hy jou mee geseën het. Glo my daardie tyd stap vinnig uit.

Lukas 2:14 “Eer aan God in die hoogste hemel,en vrede op aarde vir die mense in wie Hy ‘n welbehae het” 

Net soos God ‘n welbehae (plesier) in jou het, laat jou hart maar rooi klop vol liefde en plesier vir die mense in jou lewe en vir die Kersgety op hande, moet nie toelaat dat jou hart swartgallig raak nie, behou jou vrede!

Ek bly eerder in die rooi met ‘n goeie hart as in die swart met ‘n slegte uitkyk.

 

SEKS OP 7

Standard

Helfte van julle het nou net hier gekliek oor daardie opskrif, maar noudat julle hier is. Ek moes DIE GESPREK met my seun hê verlede week, en hy is 7 jaar oud, Graad 1!

Die vorige naweek vertel hy vir my hy het ‘n girlfriend…Ek sê net ok en vra haar naam, hy sê en ek dink toe nogal dis ‘n mooi naam, maar wat soek mens op 7 met ‘n girlfriend. Probeer maar nie paranoid wees, soos gewoonlik, nie en skryf dit toe aan puppy love.

‘n Week later kom boeta met ‘n “tattoo” by die huis. (pen geskryfde graffiti op die arm).

B ♥ D

Ek vra toe, “en die?” nee dit is vir sy girlfriend, sodat sy kan sien hy hou van haar, maar hy werk nog daaraan. Ok…ek vra toe wat maak mens met ‘n girfriend as jy een het?  Boeta giggel en ek smile en vra hoekom hy dan nou skaam raak, die antwoord is ek vra nou te veel vrae. Boeta, mamma MOET vra, want sy gee om…nee wat boeta giggel en swyg soos die graf.

Ons doen toe maar huiswerk, my kop werk oortyd en neem glad niks in van die “ui” woorde wat hy oplees nie.

Volgende oomblik kom die onverwagte, daardie woorde uit jou seun se mond wat jy verwag op 17 nie op 7 nie!! Mamma, die maatjies by die skool sê as jy ‘n girlfriend het moet jy haar op haar privaat soen. Die wêreld om my staan stil, soos in die movies, ek beleef die natuur van die oerknal tot op hede en doen alles in my vermoë om nie my klein tongetjie heel in te sluk nie.

Boeta, maak klaar jou sinne ons moet praat….

Here gee my wysheid, want hoe is dit moontlik dat ‘n Graad 1 kind sulke goed kan kwytraak, hoe spring ek nie op en af en sê jy speel nie meer met daai maatjie nie, bly weg, kom ons homeschool jou, moenie maaitjies hê nie, moenie tv kyk nie in actual fact, bly aan my rokspante en moet die sekuriteit van jou ma se arms nooit verlaat nie. WISHFUL THINKING

So daar sit ons toe, ek besluit toe, soos altyd, is eerlikeheid maar die beste opsie. My seun, dit wat die maatjie van praat, dit is seks. Hy giggel en raak skaam (my kop raas want dit beteken hy het die woord al voorheen gehoor) Daar is 2 dinge wat mamma wil hê jy moet weet:

  1. Jou maatjies weet net wat hulle dink hulle weet, hulle weet net so min soos jy, hulle praat dalk groot, maar ek kan jou belowe dat jou maatjie nie vir jou antwoorde het nie. Hy kan jou nie help met jou vra nie en hy kan op 7 jarige ouderdom nie weet wat hy sê nie. Nee mamma weet nie wie vir hom gesê het of waar hy dit gesien het nie, maar hy VERSTAAN dit nie. So sy raad is nie die beste om te volg nie.
  2. Seks is deur pappa God gegee aan ‘n vrou en ‘n man, wat ‘n belofte van trou aan mekaar gemaak het (soos mamma en pappa getroud is) en dit is spesiaal vir die huwelik. Dit is NIE vir skool kinders nie. (Hy vra wat van as jy in graad 12 is) Nee dit is nie vir Hoërskool kinders nie, dit is selfs nie eers vir grootmense wat net girlfriend en boyfriend is nie. Dit is vir die huwelik en dit is spesiaal.

Hy wil toe weet of ek en sy pa al (in sy woorde) geseks het en ek sê toe dat as ons nie het nie hy en sy boetie nie daar sou wees nie. Nou ja, die oë is toe groot en wil toe weet hoe werk dit dan. Ek vra hom toe wat sy privaat genoem word en hy sê penis (ek glo nie aan worsie en tollie en wurm en al daai goed nie) en ek vra toe wat is my privaat en hy sê vagina. Nou ja ek noem toe dat die twee moet saamkom vir ‘n baba om gemaak te word, maar dat dit iets is waaroor ons kan praat wanneer hy ouer is. Ek vra of hy als verstaan, ja hy verstaan.

Hy vra of hy maar sy huiswerk kan klaarmaak….

Ek sit met ‘n hart wat woes klop en my kop leeg van bloed getap, ek is stom in my binneste en ek wil graag weet, wat se gesprekke voer ons kinders in pouse tyd?? Wat sien en hoor ons kinders se maats by hul huise dat hulle so iets sal kan kwytraak???

WAT SIEN EN HOOR MY KIND BY MY HUIS, WAT SIEN EN HOOR JOU KIND BY JOU HUIS?

EK HOOR DIT DALK NET MORE HIER BY MY HUIS.

OUERS…SNAAKSE KREATURE

Standard

Kyk as daar nou een ding is wat nie twee is nie is dit dat ouers vreemde skepsels is.

Vanoggend was my Graad 1 seun se Prestige Oggend by die skool en ek en pappa is ook nie agter in die koor nie. Om ‘n plek te vind om te sit is ‘n interessantheid. Almal sit heelvoor, langs die kante en ‘n groot gat in die middel, want mamma wil mos ‘n foto vat en nie met haar boude verby almal skuur of ‘n paar koppe op die foto kry van boetie met sy sertifikaat nie. Ek soek self ‘n plekkie om die kante, sodat my love handles nie iemand se wange skuur nie.                                                                                                                    Ander ma’s hou plek, mens kan deesdae tot plek hou met ‘n kougom, ‘n lanyard en ‘n selfoon cover. Bewaar jou siel as jy dalk net kyk na daai stoel hoor, die gluur van die tannie se kant af is niks minder as ‘n laserstraal nie.

Kinders kom militêr ingestap agter hul juffrou aan en word gewys waar om te sit, soek hul ma’s en pa’s en dan word kind en ouer versoen met lippe taal en waai van arms. Dankie vir Dove en Shield.                                                                                                                Myne soek ook wild, vind my en smile van oor tot oor en vorm die woorde: Waar is pappa”, pappa kry die boodskap en staan op. Nou is boeta happy.

So sit wag ons toe nou vir verrigtinge om te begin en glo my die skool is op tyd hoor. Klokslag 09:00 begin ons. Dit maak my hart warm om die Jesus liedjies en opening met gebed te hoor in ons dag en datum. Ek pik ‘n traan.

Geskeide ouers is ook daar, pa sit teen die muur en ma sit in die ry. Pa vra, watter klas is sy nou weer in? Ma sê met mening die klas nommer. Altwee neem fotos, smile, waai en praat lippe taal. Altwee wil fotos by mekaar hê na die tyd. Whatsapp, mamma raak kwaad want wanneer stuur hy dit dan nou en hy sê sit jou data aan vroumens.        Vreemde opset, maar dit werk vir hulle, hoe werk dit vir die kind?

Jy sit vir amper ‘n uur, ‘n smile op jou gesig so groot dat jou ore later pyn en dan onthou jy oja jy hoef nie die heeltyd te smile nie, maar die kindertjies is so trots op hulself, hulle glimlagte is so opreg jy kan jouself nie help as om jou te verheug in hul trots nie. Agter my is die papparazzi, ‘n mamma met ‘n lens so lank sy kan die porieë op my neus afneem.

My beurt kom aan en ek is vol trots op my seun, hy kry ‘n sertifikaat vir vordering en ek is super trots, want ek weet hy het sy beste gegee. Sy laaste rapport was almal 7’s so ek kon nie vir meer vra nie. Nee, hy is nie top 10 nie, maar hy is 1ste in my en sy pappa se hart.

Ek waai ook dat my arms wapper, ek wys thumbs up en neem kiekkies. Hy is so bly dat ons ons name met ‘n plank slaan vir hom.

Ons het ook ‘n Pappa wat trots is op ons, hy moes sy eie Seun afstaan vir ons, sy eie Seun moes verneder word vir ons, maar hy doen dit vir ons, want Hy KAN, want Hy WIL en nie meer lank nie dan gaan ons ook ‘n prysuitdeling kry, want ons skatte lê en wag in die Hemel. Ons gaan ook krone kry. Ek is nie ‘n kenner op die gebied nie, maar die link hier onder was nogal interessant: https://www.gotquestions.org/heavenly-crowns.html

Leef ‘n lewe waarop jy trots kan wees, so trots dat ander nie kan help om te smile en hulle in jou genot te verlustig nie en wees maar daai mal ouer, die een wat nie omgee om dit te doen vir die genot van sy kind nie.

C